Asturiana Jones ye una esploradora que viaxa col oxetivu d'alcontrar oxetos d'importante valor históricu pa la humanidá. Esti afán fáela ganar enemigos enforma, qu'usen la investigación arqueolóxica con fines lucrativos pa beneficiu personal. La so arma inseparable ye un llátigu y, dende bien moza, tien fobia a les culiebres. Esta aventurera, va tener que facer unes misiones en distintes époques históriques y pa poder pasar d'una dómina a otra, va tener qu'alcontrar el códigu secretu que van usar na máquina del tiempu. Esta va ser la vuestra misión, dar con dichu códigu.

​

La primer misión trescurre na Prehistoria d'Asturies, conoceremos cómo yeren los nuestros antepasos: Los Neandertales desaniciáronse va 40.000 años y si nun llega a ser asina tendríen que convivir colos Homo Sapiens, los humanos de güei en día. Tamién aprenderemos cómo se fai una escavación arqueolóxica y adentrarémosnos en dalgunes cueves d'Asturies. 

​

Na segunda misión vamos investigar la romanización n'Asturies,  que tuvo llugar fai más de 2000 años y qu'introduxo cambeos na culturade los pueblos del norte. Vamos conocer la llingua que falaben y les sos costumes pa ello tenemos que tar mui atentos ya que hai un emperador romanu enfotáu na conquista de les tierres non sólo d'Asturies sino de Hispania.

 

La tercera misión y aprovechando la celebración de los 1300 años del Reinu d'Asturies vamos conocer la monarquía asturiana y los tiempos de la reconquista. El Reinu d'Asturies entama nel añu 718 depués d'una conocida batalla nomando a Pelayo primer rei de la monarquía asturiana.

​

Asturiana Jones tendrá munchu trabayu que facer y vosotros y vosotres seréis los arqueólogos y aventureros ayudantes pa dir descubriendo tan espectacular historia.

​

Pa ello, vais tener que formar un campamento base (grupo clase) y tendrá que dir reconstruyendo la historia d'Asturies a lo llargo de los años añadiendo instrumentos y tiendes de campaña cada vez más ellaboraes que-yos den puntos d'esperiencia (XP) pa poder llegar al final y algamar la CRUZ DE LA VICTORIA.

​

​

¿TAIS PREPARAOS Y PREPARAES?